ӨСКЕМЕН. ҚазАқпарат – Өскемен қаласында жалған арыз жазған ер адамның үстінен қылмыстық іс қозғалды, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, полицияға хабарласқан ер адам 28 жастағы танысының жалдамалы пәтерде ұялы телефоны мен ноутбугін ұрлап кеткенін жеткізген.
«Алайда сотқа дейінгі тексеру барысында арызданушының сол танысымен бірге спирттік ішімдік ішкеннен кейін, өзі ұялы телефоны мен ноутбугін 50 мың теңгеге ломбардқа салып, қаражатты арақ алуға жұмсағаны анықталды», - деп хабарлады ведомство өкілдері.
Қазіргі уақытта аталған факті бойынша ҚР ҚК-нің 419-бабы 2-бөлігі бойынша сотқа дейінгі тексеру амалдары жүргізілуде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.