АСТАНА. ҚазАқпарат – Португалия қорғаушысы Пепе әлем чемпионаттарының плей-офф кезеңінде гол соққан ең сақа ойыншы атанды, деп хабарлайды ҚазАқпарат тілшісі.
Швейцариямен матчта капитан ретінде өз командасын бастап шыққан Пепе 33-минутта гол соғып, есепті 2:0-ге жеткізді.
Португалиялық қорғаушының туғанына 39 жас 9 ай толған еді.
Осыған дейін футбол тарихында мұндай жасында ешкім әлем біріншілігінің плей-офф сатысында гол соқпаған.
Бұл кездесуде қосалқы құрамда қалған Португалия шабуылшысы Криштиану Роналду командаласын қызу құттықтады.
Еске сала кетейік, бұдан бұрын пенальти сериясында Жапонияны жеңген Хорватияның ширек финалға шыққанын жазған болатынбыз.
Ал бүгін Марокко 1/8 финалда Испанияны жеңіп кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).