НҰР-СҰЛТАН. ҚазАқпарат - Бүгін футболдан Премьер-лига командалары арасындағы Қазақстан чемпионатының төртінші турының кейінге қалған ойынында Қостанайдың «Тобылы» елордалық «Астанамен» кездесті, деп хабарлайды ҚазАқпарат тілшісі.
Бүгінгі кездесу тартысты өтті. Қос команда шабуылға көбірек көңіл бөлді. Ойынның 31-минутында қостанайлық жартылай қорғаушы Азат Нұрғалиев өзінің командасын алға шығарды.
Ойынның екінші кезеңінде елордалық клуб таразы басын теңестіруге ұмтылды. Соған қарамастан олар өз қақпасына гол жіберіп алды. Оны 57-минутта Серікжан Мужиков өзінің еншісіне жазды. Осылайша «Тобыл» елордалық клубты 1:0 есебімен жеңді.
Төртінші турдағы Ақтаудың «Каспийі» Алматының «Қайратынан» 0:3, Талдықорғанның «Жетісуы» Шымкенттің «Ордабасысынан» 2:3 есебімен жеңілген еді.
Ал Жамбыл облысының «Тараз» және Петропавлдың «Қызылжар» командалары 0:0 есебімен тең тарқасты. «Қайсар» командасы «Шахтерді» 1:0 есебімен жеңді .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.