АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 10-турында «Тобыл» «Мақтаралдан» басым түсті, деп хабарлайды ҚазАқпарат тілшісі.
Қостанайлық клуб биыл доп додасын сәтсіз өткізіп келеді. Қазір турнир кестесінде ортаңғы бөлігінде тұр.
Түркістан облысының намысын қорғайтын «Мақтарал» жанкүйер көңілінен шыға алмай жүр. Салдарынан турнир кестесінде соңғы орында келеді.
Бүгінгі кездесу тағдырын 69-минутта «Тобыл» ойыншысы Ислам Чесноков соққан жалғыз гол шешті. Нәтижесінде қарсыласынан 1:0 еесбімен басым түсті.
Енді аталған турда «Қайрат» (Алматы) пен «Қайсар» (Қызылорда), «Ақтөбе» мен «Каспий» (Ақтау), «Ордабасы» (Шымкент) мен «Оқжетпес» (Көкшетау) командалары ойнайды.
Еске салсақ, 20 мамырда «Жетісу» өз алаңында «Атыраудан» 0:3 есебімен жеңілді.
Ал «Шахтер» «Ақсуды» 2:1, «Астана» «Қызылжарды» 3:2 есебімен тізе бүктірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.