АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 2-туры екінші ойын күнінде «Каспий» мен «Тобыл» командалары кездесті, деп хабарлайды ҚазАқпарат тілшісі.
Бірінші кезеңде командалар алма-кезек шабуылға көңіл бөлді. Дегенмен діттеген мақсатына жете алмай жатты.
Көптеген сәттерде ақтаулық футболшылардың белсенділігі байқалып тұрды.
Екінші кезеңде ойыншылар гол соғатын мүмкіндік іздеді.
Ойынның 96-минутында қостанайлық клубтан Серж Дебле гол соқты.
Осылайша «Тобыл» қарсыласынан 1:0 есебімен басым түсті. Нәтижесінде біріншіліктегі екінші жеңісіне қол жеткізді.
Енді «Атырау» мен «Қайсар», «Қызылжар» мен «Мақтарал» командалары кездеседі.
Аталған турда 9 наурызда сырт алаңда «Астана» «Жетісуды» 2:0, «Ордабасы» «Шахтерді» 4:1, «Қайрат» «Ақсуды» 3:1 есебімен сүріндірді.
Ал «Ақтөбе» өз алаңында «Оқжетпестен» 5:1 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.