АСТАНА. KAZINFORM - Елордалық «Астана» футболдан Премьер-лига командалары арасындағы ел біріншілігінің кейінге қалдырылған 22-турдың ойынында Қарағандының «Шахтерін» ірі есеппен жеңді.
Бүгін елордалық клуб Алматыда көш соңында келе жатқан «Шахтер» командасын қабылдады. Ойын барысында олардың сапынан Марин Томасов 23-минутта есеп ашса, Джеффри Чинеду 25, Назми Грипши 55-минутта мергендік танытты.
Осылайша «Астана» қарсыласынан 3:0 есебімен басым түсті. Нәтижесінде команда турнир кестесінде бесінші орынға көтеріліп, бірінші орында келе жатқан «Ордабасы» командасына жақындай түсті.
Енді елордалық клуб 20 қазанда сырт алаңда Семейдің «Елімай» клмандасымен кездеседі.
Ал 25 қазанда сырт алаңда УЕФА Конференция лигасында Уэльстің «Нью-Сейнтс» клубымен шеберлік байқасады.
Еске салсақ, бұдан бұрын Қазақстан жастар құрамасы Шотландиядан басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.