АСТАНА. KAZINFORM — Футболдан Қазақстан кәсіби лигасының шешімімен наурыз айының үздік бапкері мен ойыншылары анықталды.
Оған бапкерлер мен капитандар дауыс берді. Нәтижесінде бірдей ұпай жинаған Марин Томасов («Астана») және Дастан Сәтпаев («Қайрат») үздік ойыншы деп танылды. Ал үздік бапкер номинациясына Григорий Бабаян («Астана») ие болды.
Ел біріншілігінде Марин Томасов 6 ойында 5 гол соғып, сұрмергендер көшін бастап тұр. Ал Дастан Сәтпаев сұрмергендер көшінде 7 кездесуде 4 мәрте мергендік танытты.
Ал Григорий Бабаянның жетекшілігімен «Астана» 6 кездесуден кейін 14 кездесуден кейін екінші орында келеді.
Еске салсақ, футболдан әйелдер арасындағы Қазақстан чемпионатының үшінші туры мәресіне жетті.
Аталған турдан кейін «Томирис-Тұран», БИИК, «Ақтөбе» 7 ұпаймен көш басында келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.