Футболдан әйелдер лигасында БИИК пен «Ақтөбе» тең түсті

АСТАНА. KAZINFORM — Футболдан әйелдер арасындағы Қазақстан чемпионатының үшінші туры мәресіне жетті.  

Алғашқы екі турда жеңіске жеткен шымкенттік БИИК және «Ақтөбе» командалары бұл жолы өзара кездесті. Ойын барысында командалар үш ұпай олжалауға бар күшін салды. Жеңгені турнир кестесінде жеке-дара көш басына шығатын еді.

Қарсыластар тартысты ойын өткізді. Нәтижесінде 2:2 есебіне қанағат білдірді.

Сондай-ақ аталған турда көшетаулық «Оқжетпес» қарсыласына ірі есеппен жеңіліп қалды. Бұл турда алматылық «Қайратқа» 1:14 есебімен жол берді. Олар үш турда небәрі 2 гол соғып, өз қақпасына 40 гол жіберіп алды.

Екінші турдың ойын кестесі:

«Оқжетпес» (Көкшетау) — «Қайрат» (Алматы) 1:14
«Жетісу» (Талдықорған) — «Атырау» 3:2
«Ұлытау» (Жезқазған) — «Астана» 1:0
«Елімай» (Семей) — «Қызылжар» (Петропавл) 1:3
«Қайсар» (Қызылорда) — «Жеңіс» (Астана) 1:1
БИИК (Шымкент) — «Ақтөбе» 2:2
«Тобыл» (Қостанай) — «Томирис-Тұран» (Түркістан) 0:8.

Аталған турдан кейін «Томирис-Тұран», БИИК, «Ақтөбе» 7 ұпаймен көш басында келеді.

Енді алдағы тур ойындары 5 мамыр күні өткізіледі. 

Айта кетсек, бұдан бұрын футболдан Премьер-лига командалары арасындағы Қазақстан чемпионатының алтыншы туры мәресіне жетті.