12:50, 02 Мамыр 2019

Президент Алматы облысының әкіміне апатты жолдарды жөндеуді тапсырды

ТАЛДЫҚОРҒАН. ҚазАқпарат - ҚР Президенті Қасым-Жомарт Тоқаев Алматы облысындағы жолдардың 22 пайызы сын көтермейтінін айтты. Талдықорғанда жұртшылықпен кездесу барысында Мемлекет басшысы облыс әкіміне нақты тапсырма берді, деп хабарлайды ҚазАқпарат тілшісі.

«Алматы облысы жолдарының 22 пайызы сын көтермейді. Өңір басшысына апатты жолдарды қалпына келтірудің 2025 жылға дейінгі жоспарын құруды тапсырамын», - деді ҚР Президенті Қасым-Жомарт Тоқаев.

Еске сала кетсек, Қазақстан Президенті Қасым-Жомарт Тоқаев жұмыс сапарымен Алматы облысының орталығы Талдықорған қаласына келді.

Алматы облысы Басты жаңалық Инфрақұрылымдық жобалар Қазақстан Президенті

Самал Қабышева