АСТАНА. KAZINFORM — Астанада Президент кубогы үшін теннистен ATP Challenger турнирі өтіп жатыр.
Қазақстандық теннисші, әлемнің 419-ракеткасы Бейбіт Жұқаев алғашқы айналымда отандасы, рейтингіде 629-орындағы Әмір Омархановқа тап келді.
Бейбіт 25 жаста болса, Әмір 18-де еді. Бұл қос теннисшінің өзара бастапқы кездесуі болатын.
Тәжірибелі Б.Жұқаев 6:3, 6:4 есебімен жеңіске жетті.
Бір сағат 25 минутқа созылған бәсекеде Жұқаев 5 эйспен бірге 9 брейк-пойнттың бесеуін өз есебіне жазды. Омарханов 4 эйс, 2 брейкпен (4 брейк-пойнт) көзге түсті.
Бейбіт Жұқаев ширек финалға шығу үшін әлемнің 299-ыншы, осы жарыстың 2-ракеткасы, түркиялық Мерт Алкаямен таласады.
Еске сала кетейік, бұдан бұрын Соня Жиенбаеваның Испаниядағы турнирде чемпион атанғанын жазған едік.
Сонымен қатар Асылжан Арыстанбекова Астана турнирінің жеңімпазы болды.
Елена Рыбакина Торонто турнирінің ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).