ҚР Мәдениет және ақпапат министрлігі баспасөз қызметінің хабарлауынша, бүгінде жасақ құрамында 18 жастан асқан 180-нен астам белсенді волонтер мен 30 жасөспірім бар. Олар тәулік бойы ақысыз көмек көрсетеді.
Еріктілер жоғалған адамдарды қала аумағында да, табиғат аясында да іздестіреді. Сонымен қатар жаңа қатысушыларды оқытып, алдын алу шараларын ұйымдастырады және төтенше жағдайлар кезінде көмекке келеді.
«Регион-10» полициямен, Төтенше жағдайлар департаментімен, жергілікті атқарушы органдармен және қоғамдық ұйымдармен бірлесіп жұмыс істейді. Жасақ мүшелері өрт пен су тасқынының салдарын жоюға, гуманитарлық акцияларға, бірлескен оқу-жаттығуларға және қауіпсіздік рейдтеріне қатысқан.
-Осы жылдар ішінде жасақтың қызмет аясы кеңейді. Лисаковск пен Рудный қалаларында оның филиалдары ашылды. Ал 2024 жылы жаңа волонтерлерді даярлауға арналған штаб жұмысын бастады,-делінген хабарламада.
Осыған дейін елімізде волонтерлік тәжірибенің еңбек өтіліне есептелуі мүмкін екені туралы жаздық.