АҚТӨБЕ. ҚазАқпарат – Ресейде оқитын 200-ден астам Қазақстан студенті Ақтөбеде коронавируске қатысты анализ тапсырып жатыр, деп хабарлайды ҚазАқпарат тілшісі.
«Ресейден 222 студент келді. Бүгін қабылдап, анализ алдық. Бәрі карантиндік стационарда болады. Тексеруден соң шешім қабылданады.
Студенттер еліміздің әр өңірінен. Алматы, Нұр – Сұлтан қалалары мен бірнеше облыстың жастары бар. Ақтөбеден тек 6 студент. Егер ешкімнен коронавирус инфекциясы анықталмаса, өз өңірлеріне жіберіледі, егер індет жұқтырса, бізде ем қабылдайды», - деді облыстық денсаулық сақтау басқармасының басшысы Әсет Қалиев.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.