НҰР-СҰЛТАН. ҚазАқпарат - Елордалық «Барыс» шайбалы хоккейден Челябинск облысы губернаторының кубогындағы екінші ойынын өткізді, деп хабарлайды ҚазАқпарат тілшісі.
Бұл жолы қазақстандық клуб Челябинск қаласының «Трактор» командасымен кездесті.
Ойын барысында елордалық командадан Линден Вей 20-минутта есеп ашты. Одан кейін «Трактор» сапынан Антон Бурдасов 31, Никита Тертышный 34, Максим Шабанов 46-минутта мергендік танытты.
Ал 50-минатта тағы бір шайбаны авторы атанып, есеп айырмасын қысқартқан еді.
Осылайша «Барыс» қарсыласына 2:3 есебімен есе жіберді.
Аталған турнирде бүгін «Автомобилист» (Екатеринбург) клубы «Металлург» (Магнитогорск) командасын 3:1 есебімен жеңді.
Еске салсақ, елордалық клуб бұдан бұрын Ресейдің «Автомобилист»3:1 есебімен жеңді.
Бұл күні «Трактор» командасы «Металлургтан» буллитен 1:2 есебімен жеңіліп қалды.
Енді «Барыс» 27 тамызда «Металлургпен» кездеседі.
Фото: hcbarys.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.