Ресейдің 76 субъектісі Қазақстанда тиісті аумақтармен тікелей қатынаста – Владимир Путин

АСТАНА. KAZINFORM – Ресей Федерациясының 76 субъектісі Қазақстандағы тиісті аумақтармен тікелей қарым-қатынаста. Бұл туралы Ресей президенті ірі халықаралық ақпараттық агенттіктердің басшыларымен кездесу барысында мәлім етті.

Оның пікірінше, мұндай өзара әрекеттесу тиімдірек. 

«Бізде үлкен ортақ шекара бар. Адамдар бір-бірімен араласады. Ресей Федерациясының 76 субъектісі Қазақстандағы тиісті аумақтармен тікелей қарым-қатынаста, тікелей байланыста. Айтпақшы, олар тиімдірек шығар, жақсы жұмыс істейді, өйткені адамдар бір-бірімен тікелей байланысады, бір-бірін біледі, бір-біріне сенеді», - деп атап өтті Владимир Путин. 

Бұған дейін хабарлағанымыздай, Ресей Федерациясының президенті Владимир Путин Петербург халықаралық экономикалық форумы (ПМЭФ) аясында ірі халықаралық ақпараттық агенттіктердің басшыларымен кездесті.