Жаңа су құбырын іске қосу рәсіміне Су ресурстары және ирригация министрлігі Су шаруашылығы комитеті төрағасы орынбасарының міндетін атқарушы Бұлан Тұрлыбеков пен Сандықтау ауданының әкімі Серік Құдабай қатысты.
-Жаңа су құбыры Красная Поляна, Петриковка және Арбузинка ауылдарын ауызсумен қамтамасыз ету сапасын жақсартады. Жоба аясында ұзындығы 22,1 шақырым су құбыры тартылып, су алуға арналған екі ұңғыма бұрғыланды. Сондай-ақ су жинау алаңы және сорғы станциялары бар екі су құбыры құрылыстарының алаңы салынды. Бұдан бөлек, 123 құдық орнатылып, электрмен жабдықтау жұмыстары жүргізілді, - деді Су ресурстары және ирригация министрлігі Су шаруашылығы комитеті төрағасы орынбасарының міндетін атқарушы Бұлан Тұрлыбеков.
Елімізде су ресурстарын қалай ұтымды пайдалануға болатынын мына материалдан оқыңыздар.