Рейстер кешігуі мүмкін: Алматы әуежайы жолаушыларға ескерту жасады

АЛМАТЫ. KAZINFORM – Алматыда қалың қар жауып жатыр. Ауа райына байланысты қаладан ұшатын рейстер кешігуі мүмкін.

Алматы халықаралық әуежайы ауа райының нашарлауына байланысты әуежайдың өндірістік қызметтері күшейтілген режимде жұмыс істеп жатқанын хабарлады.

- Кешігулерді барынша азайту үшін барлық қажетті шаралар қабылданады. Жолаушылардан рейстердің ағымдағы статусын ұшар алдында әуежай мен әуекомпаниялардың ресми сайттарынан тексеруді сұраймыз, - деп хабарлады әуе айлағынан.

Еске салайық, бұған дейін Алматыдан Мумбайға тікелей рейс ашылғанын жазғанбыз.