АСТАНА. KAZINFORM — Әлемнің 10-ракеткасы Елена Рыбакина барлық «Үлкен дулыға» турнирінде төртінші айналымға өткен алғашқы қазақстандық теннисші атанды.
Е.Рыбакина АҚШ ашық чемпионатында өз спорттық жолында бірінші рет төртінші айналымға өтті.
Қазақстандық теннисші осыған дейін 2022 жылы Уимблдонда чемпион болды. 2023 жылы Аустралия ашық чемпионатының финалына дейін жетті. Ал Ролан Гаррос турнирінде екі рет, 2021 және 2024 жылдары ширек финалда ойнады.
Е.Рыбакина АҚШ ашық біріншілігінің ширек финалына шығу үшін рейтингіде 60-орындағы чехиялық, 2023 жылғы Уимблдон чемпионы Маркета Вондроушовамен таласады. Ол үшінші айналымда әлемнің 8-ракеткасы, италиялық Жасмин Паолиниді қапы қалдырды — 7:6 (7:4), 6:1.
Еске сала кетейік, бұдан бұрын Елена Рыбакинаның АҚШ чемпионын ойсырата ұтып, төртінші айналымға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).