ӨСКЕМЕН. ҚазАқпарат – Шығыс Қазақстан облысы Риддер қаласындағы жылу электр орталығында жылыту маусымы аяқталғанға дейін өрт сөндірушілер кезекшілік етеді, деп хабарлайды ҚазАқпарат тілшісі.
Бүгін Риддердегі жылу электр орталығында тағы да оқыс жағдай болды. Екі қазандықта өрт шығып, үйлерде жылу температурасы азайған.
Қазіргі уақытта өрт сөндіріліп, қалыпқа келтіру жұмыстары жүргізіліп жатыр.
«Жылыту маусымын апатсыз аяқтау үшін қолдан келгеннің бәрі жасалады. Облыс әкімінің өкімі бойынша бүгіннен бастап жылу электр орталығында өрт сөндіру машиналары, төтенше жағдайлар бөлімінің қызметкерлері, Риддер қаласы әкімінің орынбасары және салалық бейінді ведомстволардың өкілдері кезекшілік етеді», - деп хабарлады ШҚО әкімдігі.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.