АСТАНА. ҚазАқпарат – Қазақстанның жұптық сындағы бірінші, әлемнің 26-ракеткасы Анна Данилина Рим WTA 1000 жарысының жартылай финалына шыға алмады, деп хабарлайды ҚазАқпарат тілшісі.
Қазақстандық теннисші мажарстандық Тимея Бабошпен бірге ширек финалда турнирдің 4-ракеткалары, аустралиялық Сторм Сандерс – бельгиялық Элиза Мертенспен бақ сынасты.
Аустралиялық-бельгиялық жұп 6:4, 6:2 есебімен жеңіске жетті.
Бір сағат 19 минутқа созылған матчта А.Данилина мен Т.Бабош 11 брейк-пойнттың тек екеуін ғана өз есептеріне жазды. Қарсылас жұп 1 эйс, 5 брейкпен (11 брейк-пойнт) көзге түсті.
Еске сала кетейік, бұдан бұрын Анна Данилина жұптық сында Рим мастерс турнирінің ширек финалына шыққанын жазған болатынбыз.
Сондай-ақ Елена Рыбакина Рим мастерс турнирінің ширек финалына шықты.
Рыбакина бастаған қазақстандық теннисшілер Ролан Гаррос турниріне қатысады.
Елена Рыбакина әлемдік рейтингіде ТОП-5 теннисшінің қатарына енді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).