СЕМЕЙ. ҚазАқпарат – Семейде қоғамдық көліктердегі маскалық режимнің сақталуын тексеру мақсатында рейд өтті, деп хабарлайды ҚазАқпарат тілшісі әкімдіктің Instagram желісіндегі парақшасына сілтеме жасап.
«Әкімдік пен полиция басқармасының өкілдерінен құралған мониторингтік топтар қоғамдық орындарда карантин шектеулерінің сақталуын тексеруді жалғастыруда. 30 қаңтарда Семей қаласында қоғамдық көліктердегі маска кию режимінің сақталуы бойынша рейд өткізілді», - делінген хабарламада.
Мониторингтік топтардың жұмысы барысында 39 автобус тексеріліп, 63 құқықбұзушылық анықталған.
«Азаматтар мен кәсіпкерлік нысан иелеріне карантиндік режим жалғасатынын және бас санитарлық дәрігердің қаулысындағы талаптарды сақтау керектігін ескертеміз. Тәртіп бұзушылар заңға сәйкес жауап береді», -делінген мәліметте.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.