СЕМЕЙ. ҚазАқпарат – Семей қаласында екінші ауысымдағы 1-11 сынып оқушылары мектепке бармайды, деп хабарлайды ҚазАқпарат тілшісі.
Қала әкімдігінің мәліметіне сүйенсек, 29 қараша күні ауа райының қолайсыздығына, нақты айтқанда қатты аязға байланысты оқушылар онлайн оқиды.
«Екінші ауысымдағы мектеп оқушыларының 1-11 сыныптары және колледждердің 1,2 курс студенттері қашықтан білім алады», - делінген ақпаратта.
Айта кетейік, бүгін Семейдегі бірінші ауысымдағы оқушылар мен студенттер де онлайн оқыған.
Еске салсақ, осыған дейін ШҚО бірнеше ауданында екінші ауысымдағы оқушылар онлайн оқитындығын хабарлаған едік.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.