СЕМЕЙ. ҚазАқпарат – Семей қаласында жылу жүйесіндегі ақау жойылып, үйлерге жылу тұрақты беріліп жатыр, деп хабарлайды ҚазАқпарат тілшісі.
Қала әкімдігі баспасөз қызметінің мәліметіне сүйенсек, «Энергетик» шағын ауданының жылу жүйесіндегі ақау жойылды.
«Қазіргі уақытта №5 қазандық қайтадан іске қосылды. Үйлерге жылу тұрақты беріліп жатыр», - делінген ақпаратта.
Еске салсақ, осыған дейін Семейде жылу жүйесінен ақау шығып, желідегі температура төмендегенін хабарлаған едік. Жауапты мекеме мамандары бірден ақау орнына барып, жөндеу жұмыстарын қолға алған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.