Шахматтан әлем чемпионаты: Оныншы партияда Ян Непомнящий мен Дин Лижэнь тең түсті
АСТАНА. ҚазАқпарат - Бүгін Астанада шахматтан 2023 жылғы әлем чемпионы атағы үшін матчтың 10-ойынында ресейлік гроссмейстер Ян Непомнящий мен қытайлық шахматшы Дин Лижэнь тең ойынға қанағат білдірді, деп хабарлайды ҚазАқпарат.
Елордада 7 сәуір - 1 мамыр аралығында Ян Непомнящий (ФИДЕ) мен қытайлық Дин Лижэнь әлем чемпионы атағына таласып жатыр.
Бүгін, 23 сәуірде өткен кездесуде қарсыластар тең нәтижеге қанағат білдірді. Осылайша жалпы есеп ресейлік шахматшы 5,5:4,5 есебімен алда келеді.
Енді ертең, 24 сәуірде он бірінші партия өткізіледі.
Регламентке сәйкес әлем чемпионы атағы үшін матч 14 партиядан құралған. Тең есеп тіркелген жағдайда 4 партиядан тұратын тай-брейк белгіленеді. Егер тай-брейкте де жеңімпаз анықталмаса, шахматшылар блицте шеберлік байқасады. Одан әрі «ақырғы партия» бар.
Еске салсақ, бұдан бұрын Қазақстанның шахматшы қыздары әлем құрамасынан жеңіліп қалды.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.