АСТАНА. ҚазАқпарат - Шайбалы хоккейден әлем чемпионатындағы алғашқы кездесуінде Қазақстан әйелдер құрамасы Словенияға есе жіберді, деп хабарлайды ҚазАқпарат тілшісі.
Кездесу барысында словениялық хоккейшілері қатарынан екі гол соғып кетті. Оған қазақстандық қыздар бір голмен жауап қайырды. Салдарынан қарсыласына 1:2 есебімен жеңіліп қалды.
Қос құрама алғашқы турда жеңіліп қалған еді. Қазақстандық хоккейшілер Ұлыбританияға 0:1 есебімен есе жіберді.
Ал Словенияға Польша 0:2 есебімен жол берді.
Ел құрамасы Ұлыбритания, Польша, Словения, Италия және Оңтүстік Корея хоккейшілерімен А тобына жолдама алу үшін сайысады. Жоғары дивизионға жеңімпаз көтеріледі.
Айта кетсек, 17-23 сәуір аралығында Оңтүстік Кореяның Сувон қаласында бірінші дивизионның В тобында ойындар өткізіледі.
Енді қазақстандық хоккейшілер 20 сәуірде Италиямен шеберлік байқасады. Кездесу елорда уақытымен 12:45-те басталады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.