АСТАНА. ҚазАқпарат – Шайбалы хоккейден 2023 жылғы әлем чемпионатының элиталық дивизионында жартылай финалға шыққан екі құрама анықталды, деп хабарлайды ҚазАқпарат тілшісі.
Қазірге дейін ширек финалдағы екі ойынның нәтижесі белгілі болды.
Екі ойынның бірінде АҚШ құрамасы Чехияны 3:0, Германия Швейцарияны 3:1 есебімен сүріндірді.
Енді Канада мен Финляндия, Швеция мен Латвия құрамалары шеберлік байқасады.
Жартылай финал 27 мамырға белгіленген. Финал мен 3-орын үшін сайыс 28 мамырда өтеді.
Айта кетсек, әлем чемпионаты 12 мамырда Латвияның Рига және Финляндияның Тампере қалаларында басталды.
Еске салсақ, Қазақстан құрамасы биыл элиталық дивизиондағы орнын сақтап қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.