АСТАНА. KAZINFORM — Шымкент қаласында өтетін ATP Challenger 50 халықаралық турнирінде 25 елдің теннисшілері бақ сынайды.
Қазақстан теннис федерациясынан мәлім еткеніндей, ATP күнтізбесіне енгізілген аталмыш жарыс екі кезеңде: 19-25 сәуір және 26 сәуір-3 мамыр аралығында өтеді.
Ойыншыларға рейтингілік ұпай қорын молайтуға мүмкіндік беретін айтулы додада Қазақстаннан жастардан Әмір Омарханов пен Заңғар Нұрланұлы өнер көрсетеді. Бұл олар үшін ересектер арасына өту үшін маңызды қадам болмақ.
Сонымен қатар титул үшін қазақстандық тәжірибелі теннисшілер Тимофей Скатов, Денис Евсеев және Григорий Ломакин таласады. Бұл бәсекелестік деңгейін арттыра түспек.
ATP Challenger 50 Shymkent турнирі елде теннис мәдениетін дамытуға және отандық спортшыларды қолдауға бағытталған.
Еске сала кетейік, бұдан бұрын Михаил Кукушкиннің Қытайдағы турнирдің 1/8 финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).