ӨСКЕМЕН. KAZINFORM – Шығыс Қазақстан облысы Марқакөл ауданында 102 жастағы кейуана АЭС құрылысы бойынша референдумда дауыс берді.
Бүгін Хадиша Туржанова референдумға қатысып, өз тандауын жасады.
Хадиша апа 1922 жылы 20 наурызда қазіргі Күршім ауданы Қалжыр ауылында дүниеге келген. Өмір жолын адал еңбекке арнады. Тоғыз баланы дүниеге әкелген. Апаның 27 немересі, 43 шөбересі және 7 шөпшегі бар.
Еске салсақ, ШҚО-да референдум күні 538 учаске жұмыс істейді. Онда 487 824 адам дауыс беруге құқылы.
Сондай-ақ Олимпиада чемпионы Ольга Рыпакова референдумда өз таңдауын жасағанын хабарлаған едік.
Ел көлемінде 12 176 968 адам референдумда дауыс беруге хақылы.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.