ӨСКЕМЕН. ҚазАқпарат – Шығыс Қазақстан облысындағы бірқатар ауданда боран салдарынан екінші ауысымдағы оқушылар онлайн оқиды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 15 ақпанда ауа райының нашарлауына, нақты айтқанда күшті желге және боранға байланысты кейбір аудандардағы екінші ауысымдағы оқушылар қашықтан оқитын болды.
«Риддер, Курчатов қалаларында, Көкпекті, Тарбағатай, Жарма аудандарында 0-11 сыныптар мектепке бармайды. Ал Күршім ауданында 0-4 сынып аралығындағы оқушылар онлайн оқиды», - деп хабарлады ведомство өкілдері.
Естеріңізге сала кетсек , осыған дейін Шығыс Қазақстанда боранға байланысты бірқатар республикалық маңыздағы жол жабылғандығы хабарланған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.