АСТАНА. ҚазАқпарат – Қазақстандық Денис Никиша шорт-тректен Оңтүстік Корея астанасы Сеулде өтіп жатқан әлем чемпионатында төртінші орынға ие болды, деп хабарлайды ҚазАқпарат тілшісі.
Денис Никиша 500 метр қашықтықта А финалында өнер көрсетті.
Соңгы бәсекеде бес спортшы жүлде үшін таласқа түсті.
Өкінішке қарай, жарыс барысында Дениске қытайлық спортшы кедергі жасады. Ақыры қытайлық шорттрекшіге пенальти берілді.
Алғашқы үш орынды Италия, Канада, Нидерланд спортшылары бөлісті. Д.Никиша төртінші орынға табан тіреді.
Денис Никиша дәл осы қашықтықта биыл әлем кубогінде үздік атанған еді.
Еске сала кетейік, бұдан бұрын шорт-тректен әлем чемпионатында 11 қазақстандық спортшының бақ сынайтынын жазған болатынбыз.
Сондай-ақ Денис Никиша шорт-тректен әлем чемпионатының финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).