АСТАНА. KAZINFORM – Әйелдер күресінен Қазақстан құрамасының өкілі Шұғыла Өмірбек Сербияның Нови-Сад қаласында өтіп жатқан әлем чемпионатының алтын жүлдесін иеленді.
55 келіге дейінгі салмақта отандасымызға тең келер қарсылас болмады. Шұғыла финалда Түркия елінің өкілі Туба Демирмен алтын жүлдені сарапқа салды. Белдесу қорытындысы бойынша қазақстандық балуан 12:8 есебімен басым түсті.
Еске сала кетейік, бұған дейін Омар Сатаевтың грек-рим күресінен Сербиядағы әлем чемпионатында қола медаль алғанын жазған едік.
Абылайхан Жұмашев
1993 жылы 15 қарашада Атырау облысы Индер ауданында дүниеге келген.
Фараби атындағы ҚазҰУ түлегі. А. Байтұрсынұлы атындағы Тіл білімі институтының магистрі.