Швецияда мұражай билеттері қымбаттап жатыр

АСТАНА. KAZINFORM — 2023 жылы Швецияда мемлекеттік мұражайларға тегін кіру реформасының күші жойылғаннан кейін келушілер саны күрт азайды, деп хабарлайды АЗЕРТАДЖ.

2025 жылы 32 орталық мұражайдың көпшілігі билет бағасын көтерді. Қазіргі уақытта билеттің орташа құны 160 швед кронасын (шамамен 15 доллар) құрайды.

Ең қымбат мұражай — бастапқыда тегін кіру бағдарламасына кірмеген ашық аспан астындағы Скансен мұражайы және зообағы саналады. Мұнда билет құны маусымға байланысты 220-дан 285 кронға дейін (20-дан 26 долларға дейін) құбылып отырады. Мұражай басшылығының сөзінше, Скансен 300 000 м² аумақты алып жатыр, оның ішінде мұражай, зообақ пен іс-шаралар алаң бар. Бұл ретте мемлекеттік қаржыландыру шығындарының аз ғана бөлігін ғана жабатын көрінеді.

— Скансенді баршаға ашық мұражай ретінде ұстағымыз келеді. Бірақ жөндеу жұмыстарын жүргізбесе, бәрі қирай бастайды. Балаларға тегін кіру мүмкіндігін қуана берер едік, бірақ экономикалық жағдайға байланысты рұқсат етілмейді, — дейді Скансен өкілдері.

Бұрын тегін кіру мүмкіндігі ұсынған мұражайлар арасында Экономикалық және Тарихи мұражайларда, сондай-ақ Қару-жарақ палатасында бағалар айтарлықтай өсті. Билет құны 150 кроннан 180 кронға (14-тен 17 долларға) дейін көтерілді. Бұлардың барлығы «Мемлекеттік тарихи мұражайлар» құрылымына кіреді, онда баға саясаты кинотеатрларды қоса алғанда, мәдени іс-шаралардың жалпы баға деңгейі мен операциялық шығындардың өсуіне байланысты қайта қаралды.

Дегенмен, ArkDes сәулет және дизайн мұражайы сияқты кейбір мұражай кіру ақысын алып тастады. Мемлекеттік мұражайлар басшылығының айтуынша, қазір келушілер саны екі есе артты.

Осыдан бұрын Швецияда күзен өсіру тоқтатылғаны хабарланды.