Швейцарияның бұрынғы дипломаты Томас Борер алтын өңдеу қуатының бір бөлігін АҚШ-қа көшіруді ұсынды, бірақ жергілікті алтын өндірушілер бұл идеяны қолдамады.
NZZ хабарлауынша, қымбат металдар өндірушілер кейінгі уақытта АҚШ-қа зор көлемде алтын экспорттады. Бұл Вашингтонның наразылығын тудырды және ол Америка Құрама Штаттарының барлық дерлік швейцариялық тауарға 39 пайыздық баж салығын енгізуінің себептерінің бірі болды.
Швейцариядағы саясаткерлер мен бизнесмендер «алтын экспортын қиындатуды немесе тіпті шектеуді» ұсынды. Қымбат металдарды экспорттауға қосымша салық салу мәселесі де талқыланды. Алайда сала бұл бастамалардан бас тартып, «салаға ауыр зиян тигізетінін» түсіндірді.
Бағалы металдарды өндірушілер мен трейдерлер қауымдастығы зауыттарды Америка Құрама Штаттарына көшіру идеясы «шектелген әсерге ие болады» деп мәлімдейді. Сонымен қатар компаниялар алтынға швейцариялық жасалған белгі ең маңызды сапа белгісі саналатынын айтып отыр. Өндіріс шетелге көшкенде зардап шегуі мүмкін.
Еске сала кетейік, бұған дейін америкалық баж салығы швейцариялық фермерлерге ауыр тигенін жазған едік.