Шымкент әкімі тілге қатысты сұраққа өлеңмен жауап берді

«Мырзахметов деген ағамыздан сұрақ түсті. Ол кісіге екі сөзбен жауап айтқым келіп тұр. Бірінші сөз ол Қайрат Рысқұлбековтыкі. «Қайрат деген атым бар, қазақ деген затым бар, еркек тоқты құрбандық. Атам десең атыңдар!». Екінші Расул Гамзатовтың сөзі бар «Егер менің тілім ертең жойылатын болса, мен бүгін өлуге даярмын» деген. Бұл жерде мен сізге көмекші боламын аға. Бірге жұмыс істейік», - деді Нұрлан Сауранбаев.

Естеріңізге сала кетейік, Нұрлан Сауранбаев аудан әкімінің есеп беру жиынында мемлекеттік тілде баяндама жасаған әкімге баяндаманы екі тілде әзірлеу жөнінде ескерту жасаған болатын. Шымкент әкімі бұл ойын қазақ және орыс тілдерінде араластырып жеткізген еді. Шенеуніктің бұл сөзі әлеуметтік желіге тарап, көпшіліктің сынына қалған болатын.