ШЫМКЕНТ. ҚазАқпарат - Шымкентте көпқабатты тұрғын үйден өрт шығып, 35 адам қауіпсіз жерге шығарылды, деп хабарлайды ҚазАқпарат тілшісі.
Оқиға бүгін таңғы сағат 09:47 шамасында болды. Республика даңғылы бойында орналасқан №35 көпқабатты тұрғын үйдің 3-інші және 4-қабаттарында өрт шықты.
«Оқиға орнына алғашқы болып жеткен өрт сөндіру бөлімдері үйдің сыртқы пластик қаптамалары жанып жатқанын анықтады. Зардап шеккендер мен қайтыс болғандар жоқ. Өрт сөндірушілер 35 адамды қауіпсіз жерге шығарып, екі адамды құтқарды» - делінген Шымкент қаласы Төтенше жағдайлар департаментінің қоғаммен байланыс тобы таратқан ақпаратта.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.