ШЫМКЕНТ. ҚазАқпарат – Шымкент қаласының Еңбекші ауданында болған жол-көлік оқиғасында 67 жастағы ер адам, деп хабарлайды ҚазАқпарат тілшісі.
Ресейлік нөмір таққан Daewoo Nexia көлігін жүргізуші жолды кесіп өтіп бара жатқан жаяу жүргіншіні қағып кеткен. Задап шеккен ер адам медициналық мекемеге апара жатқанда қайтыс болды.
Қазіргі уақытта аталған факті бойынша полиция қызметкерлері ҚР Қылмыстық кодексінің 345-бабының 3-бөлігі бойынша (Автокөлік құралын басқаратын адамның жол жүрісі немесе көлік құралдарын пайдалану қағидаларын бұзу, абайсызда адам өліміне әкеп соққан) сотқа дейінгі тергеу амалдарын жүргізіп жатыр.
Іс бойынша тергеу әрекеттері аяқталғаннан кейін процессуалдық шешім қабылданады.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.