Silk Way Star – салтанатты жеребе тарту рәсімі өтті

АСТАНА. KAZINFORM – «Silk Way Star» шоуының салтанатты жеребе тарту рәсімі аяқталып, гранд финалға қатысушылар анықталды.

Тізім реті мынадай:

1. Язмин Азиз
2. Автандил Абесламидзе
3. Чжан Хе Суань 
4. Саро Геворгян 
5. Мишель Джозеф
6. Мадинабону Адылова
7. ALEM

– Бұл жерде ең бастысы – бірлік және достық. Бұл мегажобаға қатысқанымызға қуаныштымыз. Мен үшін кім жеңсе де маңызды емес. Бірақ сіздер біздің тағдырымызды шешесіздер, сондықтан өз жеңімпаздарыңызды таңдаңыздар. Міндетті түрде ерінбей дауыс беруді сұраймын, – деді ALEM.

Айта кетейік, алғашқы кезеңде сахнаны ашқан ALEM ертеңгі финалда соңғы болып шығуы жоспарланған.

– Қолдап, қарап жүргендеріңізге рахмет. Біз Қазақстан халқының жылы қабылдауын сезіп отырмыз. Бұл шоу аяқталып жатқаны өкінішті, бірақ алда әлі көптеген қызықты жобалар бар, біз әлі көптеген байқауларға қатысамыз, – деп Мадинабону Адылова көрермендерге алғысын білдірді.

Айта кетейік, Silk Way Star жобасының Армениядан келген финалисі даралығы мен тұрақты табысын көрсеткенін жаздық.