Полицейлер өткен жылмен салыстырғанда, өңір тұрғындарының айыппұлдары уақытылы төленіп жатқандығын атап өтті. «Өңірлік жеке сот орындаушыларымен, «Қазақтелеком» АҚ және «Қазпошта» АҚ-мен жұмыстар ұйымдастырылды. Жол-патрульдік полицейлері мен әкімшілік тәжірибе инспекторлары құқық бұзушылардың айыппұлды сол жерде төлеуіне мүмкіндік беретін жылжымалы банктік POS-терминалдар қолдануда. Терминалдардың көмегімен бүгінде 2 мың операция жүргізіліп, 12 миллион теңге өндірілді», - деп атап өтті облыстық ІІД бастығының орынбасары Қайрат Оразалин.
Ішкі істер департаменті төленбеген айыппұлдары бар адамдарға SMS-хабарлама көмегімен құлақтандыру мәселесін көтерді. Ұялы байланыс операторларының бірі осы тетікті іске қосты. Сәуір айынан бері төленбеген айыппұлдары туралы хабарламаны 15 мың азамат алған.