Солтүстік Корея Bitcoin қоры бойынша әлемде үшінші орынға көтерілді

АСТАНА. KAZINFORM - Солтүстік Корея Bitcoin иелерінің саны бойынша АҚШ пен Ұлыбританиядан кейін үшінші орынға жайғасты. Бұл туралы The Times хабарлайды. 

Басылымның жазуына қарағанда, бұл Солтүстік Кореямен байланысы бар ең ірі хакерлік топ Lazarus Group хакерлері құны 1,2 миллиард фунт стерлингтен астам криптовалютаны ұрлап алғаннан кейін болған. 

ФБР бұл топтың өткен айда Bybit биржасында цифрлық рейд кезінде Ethereum криптовалютасындағы бұл соманы ұрлағанын растады.

Содан бері хакерлердің криптовалютаны қолма-қол ақшаға сәтті айырбастауын бақылау және болдырмау үшін мысық-тышқан ойыны басталды. Бірақ хакерлер өтелмейтін қаражатқа кемінде 300 миллион доллар аударып үлгерді. 

Басылымның мәліметінше, осы қадам Солтүстік Кореяның жалпы Bitcoin қорын 13 562 BTC-ге дейін ұлғайтты, ол шамамен 1,14 миллиард долларға бағаланады.

Бұл елді Bitcoin иелері арасында үшінші орынға шығарып, 10 635 BTC жинаған Бутан мен 6 117 BTC жинаған Сальвадор артта қалды.

Еске сала кетейік, АҚШ тарихта алғаш рет Bitcoin-ға қатысты биржалық қор құруды мақұлдады.