АСТАНА. KAZINFORM — Қазақстан құрамасының мүшесі, әлемнің 738-ракеткасы Соня Жиенбаева Оренсе (Испания) ITF W75 турнирінің финалына шықты.
Қазақстандық теннисші жартылай финалда 327-ракеткасы, жапониялық Рина Сайгомен кездесті.
Бірінші партияда С.Жиенбаева айқын басымдылық танытты – 6:1.
Екінші сетте тай-брейкте Соня таразы басын аудара білді – 7:6 (7:5).
Бәсеке 1 сағат 37 минутқа созылды.
Осылайша, 20 жастағы Соня Жиенбаева финалда әлемнің 442-ракеткасы, болгариялық Изабелла Шиниковамен бас жүлдені сарапқа салады.
Еске сала кетейік, бұдан бұрын Елена Рыбакинаның Торонто турнирінің төртінші айналымына өткенін жазған едік.
Сондай-ақ Астана турнирінде Дамир Жалғасбай мен Асылжан Арыстанбекова финалға шығу үшін таласады.
Соня Жиенбаева Испаниядағы жарыстың жартылай финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).