АСТАНА. KAZINFORM — Қазақстандық теннисші, әлемнің 738-ракеткасы Соня Жиенбаева жекелей сында Оренсе (Испания) ITF W75 жарысының жартылай финалына шықты.
Қазақстандық теннисші ширек финалда әлемнің 230-ыншы, осы турнирдің 3-ракеткасы, ұлыбританиялық Алисия Даднимен бетпе-бет келді.
Бірінші партия 7:5 есебімен С.Жиенбаеваның пайдасына шешілді. Бұдан кейін ұлыбританиялық спортшы матчты жалғастырудан бас тартты.
Соня Жиенбаева финалға шығу үшін әлемнің 327-ракеткасы, жапониялық Рина Сайгомен таласады.
Осы табысы нәтижесінде Қазақстан құрамасының мүшесі, 20 жастағы С.Жиенбаева WTA Live рейтингісінде бірден 570-орынға көтеріліп тұр.
Еске сала кетейік, бұдан бұрын Соня Жиенбаеваның жекелей сында Испаниядағы турнирдің ширек финалына шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).