Қазақстандық теннисші алғашқы айналымда әлемнің 206-ыншы, осы жарыстың 2-ракеткасы, ресейлік Александра Шубладземен бетпе-бет келді.
Бірінші сет 6:4 есебімен ресейлік спортшының пайдасына шешілгенімен, А.Шубладзе матчты жалғастырудан бас тартты.
С.Жиенбаева екінші айналымда әлемнің 371-ракеткасы, тағы бір ресейлік Варвара Паньшинамен ойнады. Бұл қарсыласының да фаворит болғанына қарамастан, Соня өз шеберлігін таныта білді.
Бірінші партияда В.Паньшина 6:3 есебімен басым түскенімен, қазақстандық теннисші камбэк жасай алды — 6:3, 6:4.
Тартысты өткен матч 2 сағат 57 минутқа созылды.
Соня Жиенбаева жартылай финалға шығу үшін әлемнің 306-ыншы, осы доданың 7-ракеткасы, жапониялық Рина Сайгомен таласады.
Еске сала кетейік, бұдан бұрын Анна Данилинаның Ролан Гаррос турнирінің жартылай финалына өткенін жазған едік.
Сондай-ақ Елена Рыбакина әлемдегі ең әдемі теннисшілердің қатарына кірді.
Тимофей Скатов камбэкпен Италиядағы турнирдің ширек финалына шықты.