НҰР-СҰЛТАН. ҚазАқпарат - Маңғыстау облысы ҚАЖ департаменті пробация қызметі бөлімінің басшысына пара бермек болған әйел ұсталды. Ол бұл әрекетке сотталған баласы үшін барған, деп хабарлайды ҚазАқпарат ҚР ІІМ Қылмыстық-атқару жүйесі комитетi баспасөз қызметіне сілтеме жасап.
Белгілі болғандай, әйел адам есептегі баласының қоғамдық жұмыс және бостандығын шектеу түрінде қылмыстықтық жазаны өтеу шартын жеңілдетуге көмектесуі үшін пара беру арылы пробация қызметінің басшысын көндірмек болған.
«Аталған факті бойынша сотталғанның анасына қатысты Ақтау қаласының құзыретті органдары сотқа дейінгі тергеуді жүргізуде», - делінген таратылған мәліметте.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.