АСТАНА. ҚазАқпарат - Су добынан Азия чемпионатында Қазақстан әйелдер құрамасы екінші жеңісіне қол жеткізді, деп хабарлайды ҚазАқпарат тілшісі.
Қазақстандық спортшылар үшінші кездесуінде Сингапур құрамасынан 18:9 есебімен басым түсті. Олар бұдан бұрын Оңтүстік Кореяны 25:5 есебімен жеңіп, одан кейін Қытайға 5:16 есебімен есе жіберді.
Енді қазақстандық спортшылар 11 қарашада Жапония, 12 қарашада Таиландпен кездеседі.
Турнир кестесінде ел құрамасы төрт ұпаймен үшінші орында келеді. Алғашқы екі орында Қытай мен Жапония тұр.
Ал еліміздің ерлер құрамасы бүгін Иранға 10:11 есебімен есе жіберді. Олар бұдан бұрын Таиландты 15:4, Үндістанды 17:4 есебімен жеңді.
Ел құрамасы енді 11 қарашада Оңтүстік Кореямен шеберлік байқасады.
Фото: catherineasquithgallery.com
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.