Су тасқыны: Батыс Қазақстанда 13 мыңнан астам адам эвакуацияланды
ОРАЛ. KAZINFORM — Батыс Қазақстан облысында су басу қаупі төнген жерлерден барлығы 13 068 адам эвакуацияланды.
Фото: СҚО білім басқармасы
ҚР ТЖМ жедел штабынан түскен мәліметке қарағанда, соның 19-ы – мүгедектер, 5 472-сі – балалар. 11 249 адам туысқандарының үйіне кетсе, 1 819-ы (877-сі – балалар) эвакуациялық пункттерде тұрып жатыр.
Облыс бойынша су шайған 63 жол бақылауда. Күні бүгінге дейін 9 елді мекен қатынассыз қалып отыр. 830 саяжай үйі суға кетті.
Батыс Қазақстанда 4 886 бас мал қауіпсіз жерлерге айдалды. 2 402 мал өлімі тіркелді.
«Өңірде тікұшақтармен - 31 мың, автокөлікпен – 60 мың, теміржол көлігімен 134 мың кг гуманитарлық жүк жеткізілді. ТЖ және әкімдіктер күштерімен 1 млн 20 мыңнан астам текше метр су сорылып, 423 мыңнан астам қап төселіп, 3 219 мың тонна инертті материал әзірленді. Апаттық-құтқару жұмыстарына 5 271 адам, 825 техника, 7 су соратын мотопомпа, 14 жүзу құралы, 2 тікұшақ тартылды» деп хабарлады ведомстводан.
Фото: БҚО ТЖДФото: БҚО ТЖДФото: БҚО ТЖД
Еске сала кетейік, бұдан бұрын Оралда зообақтағы жануарлар мен құстардың қауіпсіз жерге көшірілгенін жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).