АСТАНА. KAZINFORM — 30 тамызда Оңтүстік Кореяның Муджу қаласында таэквондодан (WT) Гран-при кезеңінің үшінші жарыс күні басталады, деп хабарлайды Sport12.kz.
Үшінші жарыс күнінде қазақстан құрамасынан әйелдер 67, ерлер 58 келіге дейінгі салмақ дәрежесінде өзара мықтыны анықтайды. Бұл күні ел намысын Нұрай Хусаинова, Тамерлан Тілеулес, Асқар Өтеген және Жавохирхон Исламов қорғайды.
Жарыс Астана уақытымен таңғы 5:00–де басталады. Қола жүлде үшін жекпе-жектер мен финалдық кездесулер 13:00–ге жоспарланған.
Жарыстың алғашқы күні, 28 тамызда Нодира Ахмедова (49 келі) да үшінші орын иеленген еді.
Халықаралық бәсекеде ширек финалда Батырхан Төлеуғали (80 келі), Абдурохман Марипов (80 келі) пен Нұрай Бауыржанова (49 келі) жарысты ерте аяқтады.
Ал 29 тамызда Дамир Шуленов (68 келі) Гран-при кезеңінде қола медаль жеңіп алды.
Бұл күні ел намысын Назым Махмудова, Дамир Шүленов және Нұрбек Газез қорғады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.