НҰР-СҰЛТАН. ҚазАқпарат - Бүгін футболдан премьер-лига командалары арасындағы Қазақстан біріншілігінің жетінші туры мәресіне жетті, деп хабарлайды ҚазАқпарат тілшісі.
Аталған турдағы соңғы ойында «Тараз» сырт алаңда Павлодар облысының «Ақсу» командасын 2:1 есебімен тізе бүктірді. Ойын барысында тараздық клубтан Жорже Дос Сантос 9-минутта есеп ашса, алаң иелерінен Асланбек Кәкімов 55-минутта таразы басын теңестірді. Жеңіс голын 93-минутта тараздық Бауыржан Байтана соқты.
Еске салсақ, өз алаңында алматылық «Қайрат» Түркістанның «Тұран», Қарағандының «Шахтері» Оралдың «Ақжайығына» 0:1 есебімен жол берді.
Өз алаңында Шымкенттің «Ордабасы» клубы Петропавлдың «Қызылжарын» 2:1, «Ақтөбе» Түркістан облысының «Мақтаралын» 1:0 есебімен жеңді.
Еске салсақ, 22 сәуірде елордалық «Астана» Ақтаудың «Каспийінен» 4:0 есебімен басым түссе, қостанайлық «Тобыл» сырт алаңда «Атыраудан» 1:2 еесбімен жеңілді.
Енді сегізінші тур ойындары 26 және 27 сәуір күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.