Татьяна Токарницкая жүлде үшін барын салғанын жасырмады.
— Ақтық бәсеке ешқашан оңай болмайды. Біз қарсыластардың мықты екенін, бәсекелестік күшті болатынын білдік. Су айдыны жақсы болды, ауарайыда тамаша. Жүлде үшін бар күшімізді салдық, қола медал бұйырды, — деді ол.
Қазақстандық спортшы алдағы уақытта дайындықты жақсартуды жоспарлап отырғанын айтты.
— Алда дайындық жұмыстарына қайта кірісіп, деңгейді көтеруге күш саламыз. Келесі жылға дейін команда құрамын күшейтіп, бұданда мықты болып ораламыз, — деді Татьяна Токарницкая.
Айта кетерлігі, Татьяна Токарницкая командаласы Ольга Шмелевамен бірге жұптық байдарка мен каноэде есу жарысында әйелдер арасындағы 500 метрлік қашықтықта күміс жүлде еншіледі.
Сондай-ақ, спортшы бүгін төрттік 500 метр жарысында қола жүлде жеңіп алды.