ТАШКЕНТ. KAZINFORM – Бүгін таңертең Ташкент қаласы мен Өзбекстанның басқа аймақтарында 2-3 балдық жер сілкінісі сезілді. Бұл туралы Kazinform агенттігінің Ташкенттегі меншікті тілшісі Әлихан Асқар хабарлады.
Сағат 08:47-де Тәжікстанның Лахш ауданында жер сілкінісі болып, оның дүмпуі Ташкент және Өзбекстанның өзге де өңірлерінде сезілді.
ТЖМ Республикалық сейсмологиялық мониторинг орталығының мәліметінше, жер сілкінісінің ошағы Ташкенттен оңтүстік-шығысқа қарай 31 шақырым жерде орналасқан. Тереңдігі - 15 шақырым, магнитудасы - 5,4 бірлік.
Салдарынан Ташкент пен Сырдария облыстарында – 2, Андижан, Наманған және Ферғана облысында 3 балдық жерасты дүмпулері сезілді.
Қоса кетсек, осыдан бірнеше апта бұрын да Өзбекстан аумағында 2 балдық жер сілкінісі болған еді.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.