ДУБАЙ. ҚазАқпарат – Анна Данилина жұптық сында Дубайдағы ITF W 100 турнирінің жеңімпазы атанды, деп хабарлайды ҚазАқпарат тілшісі.
Осы жарыстың 1-ракеткалары болып тіркелген А.Данилина мен словакиялық Виктория Кузьмова финалда ресейліктер Ангелина Габуева – Анастасия Захаровамен бас жүлдені сарапқа салды.
Бірінші партияда ресейлік жұп басымдылық танытты – 6:4.
Екіншісінде А.Данилина мен В.Кузьмова қарымта қайырды – 6:3. Сосын супер тай-брейкте жеңісті жұлып алды – 10:2.
Тартысты бәсеке 1 сағат 27 минутқа созылды.
Осылайша А.Данилина жұптық сында тағы бір титулына қол жеткізді.
Еске сала кетейік, бұдан бұрын теннистен Дэвис кубогында Михаил Кукушкиннің қарсыласына есе жібергенін, Александр Бубликтің есепті теңестіргенін, Қазақстан құрамасының Швецияны жеңгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).