НҰР-СҰЛТАН. ҚазАқпарат - Қазақстандық Дмитрий Попко АҚШ-та Ориндж-Парк ITF турнирінің жеңімпазы атанды, деп хабарлайды ҚазАқпарат тілшісі.
Дүниежүзілік рейтингте 620-орында тұрған Д.Попко финалда осы турнирдің төртінші, әлемнің 557-ракеткасы, аргентиналық Агустин Велоттимен чемпиондық атақты сарапқа салды.
Қазақстандық теннисші 6:0, 5:7, 6:3 есебімен жеңіске жетті.
Финалдық бәсеке екі сағаттан астам уақытқа созылды.
Д.Попко жартылай финалда доминикандық Хосе Оливаресті
6:2, 6:1 есебімен ұтқан еді.
Бұл жарыстың жүлде қоры - 15 мың АҚШ доллары.
Еске сала кетейік, бұдан бұрын Д.Попконың АҚШ-тағы тағы бір турнирдің жеңімпазы атанғанын жазған болатынбыз.
Ал әйелдер арасында Федерация кубогы үшін Лондонда өткен матчта Қазақстан құрамасы Ұлыбританиядан жеңіліп қалды.
Оның алдында бірінші корт иелері жеңіске жетіп, Ю.Путинцева таразы басын теңестіргенімен, ұлыбританиялықтар қайта алға шыққан еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).